នាល្ងាចថ្ងៃអង្គារ ៨រោច ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៥ ខែមិថុនា ឆ្នាំ២០១៩ នៅសាលប្រជុំអគារC នៃវិទ្យាស្ថានជាតិពាណិជ្ជសាស្ត្រ លោក នុច ប៉ូលីន នាយករងនាយកដ្ឋានសេវាធនាគារ និងក្រុមការងារគ្រឹះស្ថានមីក្រូហិរញ្ញវត្ថុ ប្រាសាក់ បានធ្វើបទបង្ហាញអំពីគ្រឹះស្ថានដល់និស្សិតចំនួន១៥០នាក់ និងធ្វើការសម្ភាសជ្រើសរើសនិស្សិតឱ្យចូលបម្រើការងារនៅគ្រឹះស្ថានមីក្រូហិរញ្ញវត្ថុ ប្រាសាក់។

ថ្ងៃទី១៥ និងទី ១៦ ខែមិថុនា ឆ្នាំ២០១៩ នេះអាគារពិព័រណ៍ពាណិជ្ជកម្មកោះពេជ្រមានកម្មវិធីទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី២ ឆ្នាំ២០១៩ ក្រោមប្រធានបទ "TVET អាចធ្វើបាន" ហើយវិទ្យាស្ថានជាតិពាណិជ្ជសាស្រ្តក៏មានវត្តមាននៅទីនោះដែរ

ថ្ងៃចន្ទ ៨ កើត ខែជេស្ឋ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១០ ខែមិថុនា ឆ្នាំ២០១៩ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត ទទួលជួបពិភាក្សាការងារជាមួយក្រុមការងារ CHOKCHEY FINANCE។

ថ្ងៃសៅរ៍ ៧រោច ខែពិសាខ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៥ ខែឧសភា ឆ្នាំ២០១៩ លោកនាយក នាយករង លោកគ្រូ អ្នកគ្រូ និងសិស្សានុសិស្សថ្នាក់ទី១២នៃវិទ្យាល័យ សុខ អាន ទន្លាប់ បានធ្វើដំណេីរទស្សនកិច្ចមកកាន់វិទ្យាស្ថានជាតិពាណិជ្ជសាស្រ្ត

នាថ្ងៃចន្ទ១០រោច ខែចេត្រ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី២៩ ខែមេសា ឆ្នាំ២០១៩ នៅសាលប្រជុំ អគារC ក្រុមហ៊ុន Makro សហការណ៍ជាមួយវិទ្យាស្ថានជាតិពាណិជ្ជសាស្ត្រ បានរៀបចំកម្មវិធី Young Talent ដើម្បីចែករំលែកបទពិសោធន៍ដល់និស្សិតចំនួន១៥០នាក់។ គោលបំណងនៃកម្មវិធីនេះគឺបណ្តុះបណ្តាលនិស្សិតឱ្យក្លាយជាអ្នកគ្រប់គ្រងនៅផ្សារMacro និងផ្តល់ឱកាសការងារដល់និស្សិតដែលកំពុងស្វែងរកការងារធ្វើផងដែរ។

#សេចក្តីជូនដំណឹង វិទ្យាស្ថានជាតិពាណិជ្ជសាស្ត្រ មានកិត្តិយសសូមជម្រាបជូនដំណឹងដល់សាធារណៈជនទាំងអស់ឱ្យបានជ្រាបថា៖ វិទ្យាស្ថានមានកម្មវិធីសិក្សារៀនតាមអនឡាញ (Online) តាមរយៈកម្មវិធីប៊ីប (BEEP) សម្រាប់សាធារណៈទាំងអស់ដែលបានបញ្ចប់ការសិក្សាត្រឹមថ្នាក់ទី៦ ឬបោះបង់ការសិក្សានៅថ្នាក់ទី៧ ទី៨ និងទី៩ អាចបន្តសិក្សាបានតាមរយៈកម្មវិធីប៊ីនេះបាន។ #បញ្ជាក់ វគ្គសិក្សានេះគឺពុំមានបង់ថ្លៃសិក្សាទេ (Free) #ព័ត៌មានបន្ថែម សូមអញ្ជើញមកទំនាក់ទំនងផ្ទាល់នៅវិទ្យាស្ថាន ឬអាចទំនាក់ទំនងតាមរយៈលេខទូរសព្ទ: 012 85 30 30 / 012 65 30 61 / 016 33 50 06 #អាសយដ្ឋាន៖ ផ្លូវព្រះមុនីរ៉េត(217) ភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ (ជាប់ផ្សារស្ទឹងមានជ័យថ្មី)

ថ្ងៃសៅរ៍ ២ កើត ខែចេត្រ ឆ្នាំច សំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី៦ ខែមេសា ឆ្នាំ២០១៩ នៅវិទ្យាស្ថានជាតិពាណិជ្ជសាស្រ្តបានប្រារព្ធពិធីសូត្រមន្តប្រោះព្រំប្រសិទ្ធពរជ័យ សិរីសួស្តី ជ័យមង្គល វិបុលសុខ ជូនដល់មហាគ្រួសារវិទ្យាស្ថានក្នុងឱកាសអបអរបុណ្យចូលឆ្នាំថ្មីប្រពៃណីជាតិ ឆ្នាំកុរ ឯកស័ក ព.ស.២៥៦៣។

នៅរសៀលថ្ងៃពុធ ១៥ កើត ខែផល្គុន ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២០ ខែមីនា ឆ្នាំ២០១៩ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត ឯកឧត្តម ឈុន វណ្ណឡេង នាយករងវិទ្យាស្ថានជាតិពាណិជ្ជសាស្រ្ត និងសហការីបាននាំយកនូវអំណោយរួមមានថវិកាចំនួន ៤,៥០០,០០០រៀល និង អង្ករ​១បាវ ត្រីខ៤យួរ អំបិល២គីឡូក្រាម ទឹកសុទ្ធ២កេស មី២កេស ស្ករស២គីឡូក្រាម ម្សៅស៊ុបខ្នរ២ប្រអប់ ទឹកត្រី១យួរ ទឹកស៊ី អ៉ីវ១យួរ ជូនដល់អតីតនិស្សិតនៃវិទ្យាស្ថានជាតិពាណិជ្ជសាស្ត្រឈ្មោះ កេន សុផល ដែលរងគ្រោះដោយភ្លើងឆេះផ្ទះកាលពីថ្ងៃទី១៧ ខែមីនា ឆ្នាំ២០១៩ កន្លងទៅនេះ។ គួរបញ្ជាក់ផងដែរថាថវិកាអំណោយទាំងអស់នេះគឺបានទទួលពីលោកឧកញ៉ា ឡេង ណាវ៉ាត្រា ចំនួន ១,២០០,០០០រៀល និងថវិកាដែលចូលរួមពីថ្នាក់ដឹកនាំ បុគ្គលិក សាស្ត្រាចារ្យ និងនិស្សិតនៃវិទ្យាស្ថានជាតិពាណិជ្ជសាស្ត្រ។

នៅព្រឹកថ្ងៃទី ១៩ ខែមីនា ឆ្នាំ២០១៩ លោកឧកញ៉ា ឡេង ណាវ៉ាត្រា ដែលបានផ្ដល់ឱកាសដ៏មានតម្លៃចូលរួមជាវាគ្មិនក្នុងសិក្ខាសាលាស្ដីអំពី "ភាពជោគជ័យរបស់អតីតពលករកូរ៉េ" ដែលលោកឧកញ៉ាបានចែករំលែកនូវចំណេះដឹងនិងបទពិសោធន៍ការងារជាក់ស្ដែងដល់និស្សិតនៃវិទ្យាស្ថានជាតិពាណិជ្ជសាស្ត្រ។។

នៅព្រឹកថ្ងៃចន្ទ ១៣ រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៤ ខែមីនា ឆ្នាំ២០១៩ វិទ្យាស្ថានជាតិពាណិជ្ជសាស្រ្តបានប្រារព្ធពិធីអបអរសាទរខួបលើកទី១០៨ ទិវានារីអន្តរជាតិ ៨ មីនា ឆ្នាំ ២០១៩ ក្រោមប្រធានបទ "លើកកម្ពស់សមភាពយេនឌ័រ និងការគាំពារសង្គមដើម្បីការអភិវឌ្ឍធនធានមនុស្ស" ក្រោមអធិបតីភាព ឯកឧត្តម តឹប អឿន នាយកវិទ្យាស្ថាន លោកនាយករង និងនាយិការង និងដោយមានការអញ្ជើញចូលរួមពីសំណាក់លោកលោកស្រីប្រធាន-អនុប្រធាន ដេប៉ាតឺម៉ង់-ការិយាល័យ និងបុគ្គលិកសាស្រ្តាចារ្យ និងមន្រ្តីនៃវិទ្យាស្ថានជាតិពាណិជ្ជសាស្ត្រ។