នៅថ្ងៃព្រហស្បតិ៍ ៨រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣០ ខែឧសភា ឆ្នាំ២០២៤ វិទ្យាស្ថានជាតិពាណិជ្ជសាស្ត្រ បានរៀបចំវគ្គបណ្តុះបណ្តាលមូលដ្ឋានមួយស្តីពី÷ ប្រវត្តិចលនាអន្តរជាតិ ច្បាប់មនុស្សធម៌អន្តរជាតិ និងកាកបាទក្រហមកម្ពុជា ការគ្រប់គ្រងបណ្តាញយុវជន កក្រក និងវិជ្ជាសង្គ្រោះបឋម ក្រោមអធិបតីភាព ឯកឧត្តម តឹប អឿន នាយកវិទ្យាស្ថាន ដោយមានការចូលរួមពី ឯកឧត្តម រឿត សុខុន(គ្រូបណ្តុះបណ្តាល) នាយិការង អ៊ូ ព្រំសុធារី លោក សោ សារ៉ាវុធ និងនិស្សិតសរុបចំនួន៥៤នាក់។

នៅថ្ងៃចន្ទ ៥រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែឧសភា ឆ្នាំ២០២៤ ឯកឧត្តម ឈុន វណ្ណឡេង នាយករងវិទ្យាស្ថានជាតិពាណិជ្ជសាស្រ្តបានអញ្ជើញដឹកនាំអង្គប្រជុំស្តីពីការវាយតម្លៃគ្រូបង្រៀន សម្រាប់ឆ្នាំសិក្សាថ្មីនេះ។

ថ្ងៃចន្ទ ៥រោច ​ខែពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧​ ខែឧសភា ឆ្នាំ២០២៤ វិទ្យាស្ថានជាតិពាណិជ្ជសាស្ត្របានរៀបចំដំណើរការតេស្តវាយតម្លៃសមត្ថភាពបញ្ចប់វគ្គបណ្តុះបណ្តាលរបស់សិស្សកម្រិតសញ្ញាបត្របច្ចេកទេស និងវិជ្ជាជីវៈ១ ឆ្នាំ២០២៤ ក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ ដោយមានការអញ្ជើញចូលរួមត្រួតពិនិត្យដំណើរការតេស្តសមត្ថភាពមាន ឯកឧត្តម ឡៅ ហ៊ីម រដ្ឋលេខាធិការក្រសួងការងារនិងបណ្តុះបណ្តាលវិជ្ជាជីវៈ រួមនឹងសហការី និងឯកឧត្តម តឹប អឿន នាយកវិទ្យាស្ថាន និងមូលនិធិជាតិជំនួយសង្គម(ម.ជ.ជ) ព្រមទាំងសមាគមសហគ្រិនភាព និងវិស័យឯកជន។

ថ្ងៃចន្ទ ២ កើត ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១១ ខែមីនា ឆ្នាំ២០២៤ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំមន្រ្តីរាជការ លោកគ្រូ អ្នកគ្រូ និស្សិតនិងសិក្ខាកាម នៃវិទ្យាស្ថានជាតិពាណិជ្ជសាស្រ្ត គោរពទង់ជាតិនៃព្រះរាជាណាចក្រកម្ពុជានិងស្មឹងស្មាធគោរពវិញ្ញាណក្ខន្ធព្រះបាទជ័យវរ្ម័នទី៧និងបុព្វបុរសខ្មែរគ្រប់ៗរូប។

នៅថ្ងៃអង្គារ ១៤ កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៦ ខែធ្នូ ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្ត្រ បានទទួលជួបពិភាក្សាការងារជាមួយ Ms. AIKO MORI ជាប្រធានគ្រប់គ្រងទូទៅ តំណាងក្រុមហ៊ុនសៅអ៊ីស្ត អេស៊ា ខេឌីសុី អេជីនារីង ខូអិលធីឌី។

ថ្ងៃចន្ទ ១៣ កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៥ ខែធ្នូ ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំមន្រ្តីរាជការ លោកគ្រូ អ្នកគ្រូ និងនិស្សិតនៃវិទ្យាស្ថានជាតិពាណិជ្ជសាស្រ្ត គោរពទង់ជាតិនៃព្រះរាជាណាចក្រកម្ពុជានិងស្មឹងស្មាធគោរពវិញ្ញាណក្ខន្ធព្រះបាទជ័យវរ្ម័នទី៧និងបុព្វបុរសខ្មែរគ្រប់ៗរូប។

ក្រុមការងាររបស់វិទ្យាសាស្រ្តជាតិពាណិជ្ជសាស្ត្រ បានចុះផ្សព្វផ្សាយកម្មវិធីបណ្តុះបណ្តាលជំនាញវិជ្ជាជីវៈនិងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ។នៅខណ្ឌដង្កោ

ឆ្នាំសិក្សាថ្មី ២០២៣-២០២៤ ចាប់ផ្តើមទទួលចុះឈ្មោះចូលរៀនហើយ! បរិញ្ញាបត្របច្ចេកទេស (បរិញ្ញាបត្រ) សញ្ញាបត្រជាន់ខ្ពស់បច្ចេកទេស (បរិញ្ញាបត្ររង) #ចូលរៀន៖ ១១ ធ្នូ ២០២៣ #ធ្លាក់បាក់ឌុបក៏រៀនបាន ----------------------------------- Facebook Page ???? https://www.facebook.com/NIBofficial Telegram ???? https://t.me/National_Institute_Of_Business ទូរសព្ទ៖ 069 60 65 72 / 012 85 30 30 / 012 63 77 73/ 096 888 5 888 អាសយដ្ឋាន៖ ផ្លូវសម្ដេចមុន្នីរ៉េត (២១៧) សង្កាត់ស្ទឹងមានជ័យ ខណ្ឌមានជ័យ ភ្នំពេញ (ជាប់ផ្សារស្ទឹងមានជ័យថ្មី)

ថ្ងៃចន្ទ ៨ កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២០ ខែវិច្ឆិកា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំមន្រ្តីរាជការ លោកគ្រូ អ្នកគ្រូ និងនិស្សិតនៃវិទ្យាស្ថានជាតិពាណិជ្ជសាស្រ្ត គោរពទង់ជាតិនៃព្រះរាជាណាចក្រកម្ពុជានិងស្មឹងស្មាធគោរពវិញ្ញាណក្ខន្ធព្រះបាទជ័យវរ្ម័នទី៧និងបុព្វបុរសខ្មែរគ្រប់ៗរូប។

នៅព្រឹកថ្ងៃសុក្រ ៥ កើត ខែកត្តិក ឆ្នាំថោះ បញ្ចាស័កពុទ្ធសករាជ ២៥៦៧ ត្រូវនឹងថ្ងៃសុក្រ ទី១៧ ខែវិចិ្ឆកាឆ្នាំ២០២៣ ឯកឧត្ដម តឹប អឿន នាយកវិទ្យាស្ថានជាតិពាណិជ្ជសាស្ត្រ និងលោក គៀន ចុងល័រ (Kean Vhong Loh) ដែលជាសាស្ត្រាចារ្យរងនៃវិទ្យាស្ថានបច្ចេកវិទ្យាសិង្ហបុរីបានជួបសំណេះសំណាលនិងពិភាក្សាការងារដើម្បីស្វែងយល់អំពី ការងារនៃការបណ្តុះបណ្តាលរវាងវិទ្យាស្ថានទាំងពីរទៅវិញទៅមក និងស្វែងរកកិច្ចសហប្រតិបត្តិការលើជំនាញធុរកិច្ច និងព័ត៌មានវិទ្យា។