នារសៀលថ្ងៃទី១១ ខែកញ្ញា ឆ្នាំ២០២០ នៅសាលប្រជុំរបស់វិទ្យាស្ថានជាតិពាណិជ្ជ​​​ សាស្ត្រ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្តនិងសហការីបានទទួលជួបប្រជុំជាមួយក្រុមការងារអធិការកិច្ចនៃក្រសួងសេដ្ឋកិច្ចនិងហិរញ្ញវត្ថុ។

នៅព្រឹកថ្ងៃ ពុធ ៨កើត ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៦ ខែសីហា ឆ្នាំ២០២០ ឯកឧត្តម តឹប អឿន នាយកវិទ្យាស្ថានបានដឹកនាំការប្រជុំជាមួយប្រធាន អនុប្រធាន ការិយាល័យ ដេប៉ាតតឺមង់ នៃវិទ្យាស្ថាន អំពីការបូកសរុបការងារប្រចាំខែ និងកម្មវិធីប្រឡងបញ្ចប់ឆមាសទី២ របស់និស្សិតគ្រប់ជំនាន់។

នៅរសៀលថ្ងៃ ព្រហស្បតិ៍ ១០កើត ខែស្រាពណ៍ ឆ្នាំជូត ព.ស.២៥៦៤ ត្រូវនឹងថ្ងៃទី ៣០ ខែកក្កដា ឆ្នាំ២០២០ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្ត្រ បានបើកកិច្ចប្រជុំមួយ ជាមួយប្រធាន អនុប្រធានការិយាល័យ ដេប៉ាតតឺមង់ ស្តីពីការប្រឡង ឆមាស និងប្រឡងបញ្ចប់ការសិក្សានិស្សិតថ្នាក់បរិញ្ញាបត្រ និងបរិញ្ញាបត្ររង ។

វិទ្យាស្ថានជាតិពាណិជ្ជសាស្រ្តជាគ្រឹះស្ថានឧត្តមសិក្សារដ្ឋដែលទទួលបានវិញ្ញាបនបត្រទទួលស្គាល់គុណភាពអប់រំ ISO 9001:2015 ពីចក្រភពអង់គ្លេស។ គោលដៅរបស់វិទ្យាស្ថានគឺ និស្សិតមាន សមត្ថភាព ការងារ និងប្រាក់ចំណូល។

នៅរសៀលថ្ងៃទី២៦ ខែមិថុនា ឆ្នាំ២០២០ លោកស្រី អ៊ូ ព្រំសុធារី នាយិការងវិទ្យាស្ថានជាតិពាណិជ្ជសាស្រ្តនិងសហការីបាននាំយកនូវបច្ច័យរបស់ថ្នាក់ដឹកនាំ សាស្រ្តាចារ្យ បុគ្គលិក រួមទាំងថវិកាមូលនិធិវិទ្យាស្ថាន ទៅចូលបុណ្យសពនិស្សិតឈ្មោះ ឈាង ឈង រៀនឆ្នាំទី៤ ឆមាសទី២នៅបន្ទប់ C3 វេនយប់ ជំនាញ ធនាគារ ដែលបានទទួលមរណភាពដោយគ្រោះថ្នាក់ចរាចរណ៍កាលពីថ្ងៃទី២៥ ខែមិថុនា ឆ្នាំ២០២០នេះ។

ថ្ងៃពុធ ១២រោច ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៧ ខែមិថុនា ឆ្នាំ២០២០ថ្នាក់ដឹកនាំ មន្រ្តីរាជការ សាស្រ្តាចារ្យវិទ្យាស្ថានជាតិពាណិជ្ជសាស្រ្ត ចូលរួមស្តាប់ពិធីសំណេះសំណាលតាមប្រព័ន្ធបញ្ជូនសម្លេងពីចម្ងាយ(អាកូម) ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ពេជ សោភ័ន រដ្ឋលេខាប្រចាំការ ក្រសួងការងារ និងបណ្តុះបណ្តាលវិជ្ជាជីវៈ ជាមួយថ្នាក់ដឹកនាំ បុគ្គលិក មន្រ្តីរាជការ និងគ្រឹះស្ថានទូទាំងប្រទេស នៃអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ។

អបអរសាទរទិវាជាតិអប់រំបណ្ដុះបណ្ដាលបច្ចេកទេស​ និង​វិជ្ជាជីវៈ​ លេីក​ទី​៣​ ឆ្នាំ​២០២០​ ក្រោម​ប្រធាន​បទ​ "TVET ធ្វើ​ឱ្យជីវិតកាន់តែប្រសើរ, TVET For Better Life​"​ សូម​រង់ចាំ​តាមដាន​នៅ​លើ​ Facebook page​ របស់វិទ្យាស្ថានជាតិពាណិជ្ជសាស្រ្ត នៅថ្ងៃទី១៥ ខែមិថុនា​ ឆ្នាំ​២០២០​ ចាប់​ពី​ម៉ោង​ ៨.៣០នាទី​ព្រឹក!

វិទ្យាស្ថានជាតិពាណិជ្ជសាស្រ្ត សូមជម្រាបជូនដំណឹងដល់ប្អូនៗ សិស្ស-និស្សិតគ្រប់កម្រិតសិក្សាឱ្យបានជ្រាបថា វិទ្យាស្ថានអនុញ្ញាតឱ្យចាប់ផ្តើមវិស្សមកាលតូចចាប់ពីថ្ងៃ ចន្ទ ៨រោច ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៦ ខែមីនា ឆ្នាំ២០២០ នេះតទៅ។ អាស្រ័យហេតុនេះ សូមប្អូនៗ សិស្ស-និស្សិតគ្រប់កម្រិតទាំងអស់នៃវិទ្យាស្ថានជាតិពាណិជ្ជសាស្រ្តជ្រាបជាព័ត៌មាន ហើយកាលបរិច្ឆេទចូលរៀនវិញ វិទ្យាស្ថាននឹងជូនដំណឹងនៅពេលក្រោយ។

នាថ្ងៃពុធ៣រោច ខែ ផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១១ ខែមីនា ឆ្នាំ២០២០ ។ នៅសាលប្រជុំរបស់ វិទ្យាស្ថានជាតិពាណិជ្ជសាស្ត្រ ថ្នាក់ដឹកនាំវិទ្យាស្ថាន បានទទួល ប្រតិភូអគ្គាធិការដ្ឋាន និងនាយកដ្ឋានសវនកម្មផ្ទៃក្នុងមកបំពេញ បេសកម្ម ដឹកនាំដោយ ឯកឧត្តម ម៉ន ទ្រីយ៉ា រដ្ឋលេខាធិការ នៃក្រសួងការងារ​ និងបណ្តុះបណ្តាលវិជ្ជាជីវៈ។