ថ្ងៃសុក្រ ៦ កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២០ ខែតុលា ឆ្នាំ២០២៣ លោកស្រី អ៊ំ ព្រំសុធារី នាយិការងវិទ្យាស្ថានជាតិពាណិជ្ជសាស្រ្ត និងសហការី បានអញ្ជើញដឹកនាំនិស្សិតទៅធ្វើទស្សនកិច្ចខុនដូ Urban Village និងចូលរួមវគ្គបណ្តុះបណ្តាលស្តីពីចំណេះដឹងផលិតផលនិងការលក់ "Product Knowledge and Sales"។

យើងខ្ញុំទាំងអស់គ្នាជាថ្នាក់ដឹកនាំ, មន្ត្រីរាជការ, លោកគ្រូ អ្នកគ្រូ និងនិស្សិតនៃវិទ្យាស្ថានជាតិពាណិជ្ជសាស្ត្រសូមបួងសួងដល់វត្ថុស័ក្តិសិទ្ធិក្នុងលោក សូមតាមបីបាច់ថែរក្សា ប្រសិទ្ធពរជ័យ សិរីមង្គលគ្រប់ប្រការជូនចំពោះ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ព្រមទាំងក្រុមគ្រួសារ ទទួលបាននូវសុខភាពល្អបរិបូណ៌ កម្លាំងពលំខ្លាំងក្លា ប្រាជ្ញាឈ្លាសវៃ ជន្មាយុយឺនយូរ និងសមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

ថ្ងៃព្រហស្បតិ៍ ៥ កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ ខែតុលា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្តនិងសហការី បានអញ្ជើញទៅធ្វើទស្សនកិច្ច E-learning ស្ទូឌីយោនៃស្ថាប័នផ្សព្វផ្សាយអប់រំកម្ពុជា (EBC)។

នាព្រឹកថ្ងៃព្រហស្បតិ៍ ៥កើត ខែអស្សុជ ឆ្នាំថោះ បញ្ជស័ក ព.ស ២៥៦៧ ត្រូវនឹងថ្ងៃទី១៩ ខែតុលា ឆ្នាំ២០២៣ លោកឈុន វណ្ណឡេង នាយករងវិទ្យាស្ថាន ជាតិពាណិជ្ជសាស្ត្រ អញ្ជើញជាអធិបតីភាព នឹងដឹកនាំមន្ត្រីរាជការក្រោមឪវាទ ​និស្សិតប្រមាណ២០០​នាក់ ដើម្បីផ្តល់ឈាមជូនមជ្ឈមណ្ឌលផ្តល់ឈាម នៅក្នុងបរិវេនវិទ្យាស្ថានជាតិ ។

ថ្ងៃពុធ ៤ កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៨ ខែតុលា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំប្រជុំស្តីពីការកែសម្រួលម៉ូឌុលនិងមេរៀន ត្រៀមសម្រាប់កម្មវិធីបណ្តុះបណ្តាលជំនាញវិជ្ជាជីវៈនិងបច្ចេកទេស សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ។

ថ្ងៃចន្ទ ២ កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៦ ខែតុលា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំមន្រ្តីរាជការ លោកគ្រូ អ្នកគ្រូ និងនិស្សិតនៃវិទ្យាស្ថានជាតិពាណិជ្ជសាស្រ្ត គោរពទង់ជាតិនៃព្រះរាជាណាចក្រកម្ពុជានិងស្មឹងស្មាធគោរពវិញ្ញាណក្ខន្ធព្រះបាទជ័យវរ្ម័នទី៧។

ថ្ងៃពុធ ១២ រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១១ ខែតុលា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំអង្គប្រជុំស្តីពីការពង្រឹងវិន័យនិងការងារគ្រប់គ្រង។

ថ្ងៃអង្គារ ១១រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១០ ខែតុលា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំប្រជុំជាមួយនឹងក្រុមការងារនាយកដ្ឋានធានាគុណភាពនៃអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ នៃក្រសួងការងារ និងបណ្តុះបណ្តាលវិជ្ជាជីវៈ ស្តីពីការត្រួតពិនិត្យ និងវាយតម្លៃការធានាគុណភាពនៅវិទ្យាស្ថានជាតិពាណិជ្ជសាស្ត្រ។

នៅព្រឹកថ្ងៃចន្ទ ១០ រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៩ ខែតុលា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំមន្រ្តីរាជការ លោកគ្រូ អ្នកគ្រូ និងនិស្សិតនៃវិទ្យាស្ថានជាតិពាណិជ្ជសាស្រ្ត គោរពទង់ជាតិនៃព្រះរាជាណាចក្រកម្ពុជានិងស្មឹងស្មាធគោរពវិញ្ញាណក្ខន្ធព្រះបាទជ័យវរ្ម័នទី៧។

នៅថ្ងៃសុក្រ ៧ រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៦ ខែតុលា ឆ្នាំ២០២៣ លោក សោ សារ៉ាវុធ ប្រធានការិយាល័យទំនាក់ទំនង នៃវិទ្យាស្ថានជាតិពាណិជ្ជសាស្រ្ត បានដឹកនាំបុគ្គលិកនិងលោកគ្រូអ្នកគ្រូចំនួន១២នាក់ ទៅធ្វើទស្សនកិច្ចសិក្សានៅក្រុមហ៊ុន Hanuman Beverages Co., Ltd ដើម្បីសិក្សាស្វែងយល់ពីសង្វាក់ផលិតកម្មរបស់ក្រុមហ៊ុន។